Ikusmen eta entzumen arazoak

Entzumen diagnostikoak bi helburu ditu nagusiki:

• Entzumen galera neurtzea: pertsonak entzun dezakeen edo entzun ezin dezakeen soinu maila.
• Entzumen galeraren mota zehaztu eta neurtzea, hau da, pertsonak entzun ditzakeen edo entzun ezin ditzakeen soinu motak.

Entzumen arazoen inguruko oinarrizko datuak

• Arrazoi fisiko ohikoenak
  • Malformazioa belarrian: entzumen kanal estua, disfuntzioa entzumenaren nerbio sisteman, disfuntzioa entzumenaren garun kortexean.
  • Tinpanoa zulaturik.
  • Lesioak belarrian (norberak bere buruari eragindakoak barne).
  • Argizari tapoiak belarrietan.
  • Otitisak maiz.
  • Sendagaietatik etorritako ondorioak.
• Inguruneko arrazoi ohikoenak
  • Neurriz gaineko zarata
  • Entzumenean laguntzeko produktua gaizki erregulatuta egotea edo desegokia izatea, edo audiofonoak bateria agorturik edukitzea.
  • Entzungailuak erabiltzea.
  • Ura belarrietan.
• Entzumen ezintasunaren aztarna fisikoak
  • Entzumen kanal hestua
  • Argizaria neurriz gain sortzea
  • Infekzioak maiz
• Entzumen ezintasun baten aztarna izan daitezkeen jarrerak
  • Belarriak igurztea
  • Belarrietan zirikatzea
  • Kulunkatzea
  • Burua astintzea entzuteko.
  • Norbait hurbiltzen denean sustoa hartzea.
  • Soinu iturriari adi-adi begiratzea.
  • Kolpeak ematea.
  • Zarata handia egitea.
  • Nahasmendu handiarekin hitz egitea.
  • Oso altu hitz egitea.
  • Dardara egiten duten objektuak ukitzea (adibidez, garbigailua, bozgorailuak, eta abar).
  • Hitz egiten zaionean ez erantzutea (ez du zertan sistematikoa izan, gerta daitekeelako zenbait jarreretan entzutea eta beste batzuetan ez, edo soinu edo ahots jakin batzuk entzutea).
  • Behar baino altuagoak diren soinuak ez jasatea.