Aldizkako informazioa

Hala berean, jarraitutasun sentipena indartuko bada, langileek egoitzari, haren funtzionamenduari edo etorkizuneko ekitaldiei eragiten dieten gaiei buruzko informazioa izango dutela bermatzen duten bideak ziurtatu behar dira, bai eta ekimen edo proposamen berriei nahiz duela gutxiko ekimenetan lortutako emaitzei buruzkoak ere. Horretan, lagungarriak izan daitezke ondokoak:

• Aldizkako bilerak antolatzea zuzendaritzaren eta langileen artean edo zuzendaritzako kideen eta langile talde zehatzen artean, jorratu beharreko gaien arabera. Garrantzitsua da bilera horiek arrunt barruratzea egoitzaren funtzionamenduan, aparteko ekitaldi bihur ez daitezen. Horretarako, giro lasaia sortu behar da, iradokizun eta iritzien adeitasunezko trukea errazteko; nolanahi ere, esan behar da aurreko gertaerak lidergo aktiboa eta lankidetzazkoa behar duela, eranskin honen 2. atalean adierazi den bezala.

• Hilero-hilero informazio orria prestatzea eta langileek maizen erabiltzen dituzten eremuetako iragarki taulan jartzea.