Jarduteko esparrua: "Sentipenen esparrua"

Eskuliburu honetan proposatzen den Harremanetan Oinarritutako Arreta Ereduaren jarduera esparrua definitzeko, gaiari buruzko literatura espezializatuaren berrikuspen sakona egin ondoren, Erresuma Batuan landutako eta erabilitako diseinuetako bat «Senses Framework» izenekoa, hautatu da eta guk «Sentipenen Esparrua» deitu diogu. Esparru horren funtsezko postulatua dugu zerbitzu batek kalitatezko arreta eskainiko badu, zerbitzu horretan esku hartzen duten pertsona guztiek –erabiltzaileek, profesionalek eta senideek– sentipen berdintsuak izan behar dituzte.

• Kidetasun sentipena: sortzen diren harremanetan, kide sentitzea.

• Jarraitutasun sentipena: harremanek iraganaren, orainaren eta etorkizunaren arteko lotura bermatzen dutela sentitzea.

• Segurtasun sentipena: kasuan-kasuan sortzen den arreta inguruan gertatzen diren harremanen esparruan seguru sentitzea.

• Osotasun sentipena: ezarritako helburuak betetzeko bidean aurrera egitea.

• Aintzatespen sentipena: norberak axola duela sentitzea.

• Lorkizun sentipena: norberak helburuak izatea.