Komunitatearekiko harremanak

Tokiko komunitatearekiko, auzoko edo egoitza dagoen herriko jendearekiko harremanek ere egoitza-komunitatea sortzen laguntzen dute, eta tratu horrek bizi kalitatean zein harreman guztien kalitatean eragiten du. Komeni da egoitza kanpoko pertsonek parte hartzeari bidea eman diezaioketen aukera guztiak aprobetxatzea, pertsona horiek egoitzako bizitza aberasten lagun baitezakete: senideak eta lagunak egoitzara sarritan etor daitezen gonbidatzea; musika taldeak edo beste jarduera batzuk kontratatzea; boluntarioen lana sustatzea; belaunaldien arteko jardueren programa bat prestatzea, adinekoek aukera izan dezaten haurrei, nerabeei eta gazteei ezagutza, bizipenak, istorioak eta abar kontatzeko.