Harremanetan Oinarritutako Arreta-Ereduaren oinarrizko osagaiak
Ereduak langileen gaikuntza aintzat hartu behar du, hasierako eta etengabeko prestakuntzaren bidez, lanbide jardunbide egokiak eskuratzeko, indartzeko eta transmititzeko helburuz, pertsonen arteko trebetasunei lotutako gaitasunetan arreta berezia jarriz eta, bereziki, harreman jatorrak eta enpatikoak ezartzeko gaitasunetan, ondoko ekintzarekin guztiz engaiatuta: profesionalei aukera eta baldintza egokiak eskaintzea langileek eginkizunak ondo bete ditzaten eta haien lanbidea behar bezala balioestea modurik onena da langile eta pertsona gisa gara daitezen bermatzeko.
Funtsezkoa da pertsonekiko gaitasun edo iaiotasun horien ikaskuntza prestakuntzan txerta dadin jakintza arlo bereizi gisa ez, gainerako eginkizunen ikaskuntzaren zati gisa baizik; izan ere, azken horiek izango baitira trebetasun horiek baliatzeko aukerak sortu eta garatuko diren ohiko ingurumaria.
