Parte hartzea

Jardunbide parte hartzaileari buruzko jarraibideek ere lagun dezakete komunitate sena sortzen, profesionalak komunitate horretako gogozko eta bidezko partaide senti daitezen. Ekarpenak egiteko, ideiak emateko eta beste pertsona batzuek ekarpen hori balioesten dutela ohartzeko tartea dagoela sentitzea funtsezko alderdia da kidetasunaren sentipena sorrarazteko.

Horretarako, parte hartzeko moduak edo bideak dibertsifikatzea komeni da: ezbairik gabe, parte hartzeko tresna formalak egon behar dira, baina, era berean, berezko parte hartzea sustatzeko aukerei ere bide eman behar zaie, egunerokoari eragiten dioten alderdiei lotutako jardunbidearen eta erabakiak hartzeko prozeduraren osagai arruntak diren aldetik.