Tresna teknikoak
Alegre, M.A., et al., Guia pràctica d'avaluació de programes del tercer sector social. Saila: Col.lecció Ivàlua de Guies Pràctiques sobre Avaluació de Politiques Públiques n. 15, Bartzelona, Ivàlua. Institut Catalá d'Avaluació de Politiques Publiques, 2017, 94 or.
Gidaliburu honek orientazio praktiko argia du, hirugarren sektore sozialeko erakundeei erabakiak hobeto hartzeko ezagutza erabilgarria sortzen lagundu nahi dielako; bestela esanda, hobetzeko ezagutza sortzen lagundu nahi dielako. Garrantzitsua da adieraztea, gidaren osagai praktiko hori bermatzeko, hirugarren sektoreko erakundeen eskutik diseinatu dela gida. Elkarrizketak eta foku taldeak egin dira hainbat erakundetako arduradunekin, oso zabala eta heterogeneoa den sektore baten ikuspegi eta sentsibilitate desberdinak jasotzeko. Baterako lan honi esker, sektorearen iritziak identifikatu ahal izan dira, erakundeek beren ohiko kultura eta jardunbidean ebaluazioa txertatzeko dituzten oztopoei eta aukerei dagokienez.