Tresna teknikoak
Setting the foundation for quality management in home- and community-based long-term care. Ginebra, World Health Organization, 2025, 38 or.
Osasunaren Mundu Erakundearen (OME) dokumentuak erreferentzia esparru bat ezartzen du etxean eta komunitatean ematen diren iraupen luzeko zaintza zerbitzuen kalitatea hobetzeko. Nazioarteko literaturaren berrikuspen batetik eta Europako hainbat herrialdetako esperientzien analisitik abiatuta, 11 kalitate-estandar identifikatzen ditu, aplikazio praktikoko adibideekin eta horien betetze-maila ebaluatzeko adierazleekin batera. Estandar horiek hainbat alderdi jorratzen dituzte, hala nola erabiltzaileek beren zaintzari buruzko erabakietan parte hartzea, beren eskubideak errespetatzea, beharren banakako ebaluazioa, arriskuen prebentzioa, langileen kualifikazioa eta nahikotasuna, digitalizazioa, gardentasuna eta zerbitzuen arteko koordinazioa. Era berean, txostenak kalitatea gainbegiratzeko eta bermatzeko mekanismoak aztertzen ditu, eta zerbitzuen etengabeko hobekuntza sustatzeko estrategiak planteatzen ditu. Hasiera batean, Greziako iraupen luzeko zainketa-sistemaren erreformak bideratzeko egin zen, eta etxeko eta komunitateko arretan kalitatea kudeatzeko sistemak garatzeko edo indartzeko interesa duten beste herrialde batzuei aplikatzeko gomendioak ematen ditu.