Zereginen azterketa

Zereginen azterketa egiteko, komenigarria da hurrengo urratsak jarraitzea:

• Egin behar dugun lehenengo gauza zereginaren abiapuntua eta hura amaitzeko unea mugatzea da. Adibidez, erosketak egitearen zeregina noiz amaitzen da: ordaintzen denean, dendatik irteterakoan, etxera itzultzerakoan, erosi dena gordetzen denean?
• Erabilgarria izan daiteke gure ingurunean zeregina egiten bereziki iaioa den norbaiti begiratzea, izan ere, horrek egitekoa argi ikusten eta hura osatzen duten elementu ezberdinak bereizten lagunduko digu: gutxirako balio izango digu egitekoa bulego batean eserita egonda imajinatzeak, zerbaitek ihes egingo digu-eta.
• Jarraian, egindako zereginen gaineko azterketa zuzena dela egiaztatu behar dugu eta, horretarako, beste pertsona bati proposatu egin behar diogu egitekoa egin dezala adierazitako urratsak jarraituz. Funtsezkoena etengabe galdetzea da ea azterketak zehazki deskribatzen duen egin beharreko ekintza bakoitza.
• Azkenik, ziurtatu egin behar dugu gaitasun hori irakasterakoan esku hartuko duten langile guztiak ados daudela egindako azterketarekin, hura egiteko ohitura duten edo beste era batera irakatsi ohi duten gorabehera.

Oso kontuan izan behar dugu zereginen azterketa lan eta informazio tresna bat dela profesionalentzat, eta ez dela pentsatu ezintasunen bat duen pertsonari emateko jarraibide zerrenda bat balitz bezala.