Nola irakatsi gaitasun bat?
Norbaiti zerbait egiten irakasten badiogu, errefortzu positibo ugari erabili beharko dugu, gizarte errefortzuak batez ere, eta helburua laguntza eskuratzen duen pertsona motibatzea izango da, saiakerekin jarrai dezan. Hala eta guztiz ere, pertsona benetan egin nahi duen zerbait egitenikasten ari bada, ez du horrenbeste errefortzu behar izango eta komenigarria da horiek murrizteko ohitura hartzea. Horrela, gauzak ongi egiten dabilen edo ez jakin nahi duen bakoitzean errefortzu horienmendeko izatea saihestuko da.
Beste era batera esatearren, komenigarria da ezindua ohitzea honetara: zeregin bat egin bitartean ez bazaio ezer esaten, horrek esan nahi du behar bezala egiten dabilela. Horrela, ez da errefortzua eskuratzearen hain mendeko egiten fase bat amaitzen den bakoitzean, eta hurrengora igaro daiteke naturaltasunez eta jarraitutasunez. Horrek ez du esan nahi onespena erakusteari utzi behar zaionik, baina komenigarria da ahalik eta naturaltasun handienarekin egitea, adibidez zeregin bat amaitzerakoan edo pertsona burutzea lortzeko esfortzu gogor bat egiten ari dela nabaritzen dugunean edo egiten duen aukera ugarietakoren batean (errefortzu etena).
Estrategia hau aplikatzea zaila izan daiteke hasieran, izan ere, ezinduak nahiz profesionalek errefortzuen jarraibide jarraituago batera ohituta daude. Denborarekin, ordea, ikusiko dugu zereginak etengabeko errefortzurik gabe egitea lortzen dutela, izan ere, ohiko bizitzako planean sartzera igarotzen dira.
Distrakzioak sahiesteko jarduera egokietarako gomendioak
- Egitekoa ikasi bitartean, garrantzitsua da ikusmena pertsona egiten ari den horretan mantentzea, pertsonarengan berarengan mantendu ordez. Hark ikusten badu guk arreta bere zereginean dugula, bera ere saiatuko da egiten ari den horretan kontzentratzen.
- Ezintasunen bat duen pertsonak arreta galtzen badu, beste toki batera begiratzen badu edo etengabe hitz egiten hasten bada, zereginarekin zerikusirik ez duen guztiari jaramonik ez egiten saiatu behar gara eta, modu atsegin batean, arreta bereganatzen saiatu behar gara berriro. Horretarako, egin behar den hurrengo urratsari buruzko jarraibideren bat eman beharko dugu. Pertsona zereginarekin zerikusirik eduki gabe egiten ari den horri arreta ematen badiogu, saioa ikaste saio bat izatetik jokabide kontroleko saio bat izatera igaroko da, eta horrek are gehiago zailduko du pertsona berriro oinarrizko zereginean kontzentratu ahal izatea.
