Nola eman laguntza jarduerak egiteko?

Ezintasunen bat duen pertsonak parte hartu ahal izateko edo parte hartze hori errazteko, komenigarria da aldez aurretik kasuan kasuko jarduera fase edo zati ezberdinetan banatzea. Horretarako, buruz berraztertu behar dugu jarduera bakoitza, eta hura zenbat zatitan banatu daitekeen idatzi. Jar dezagun adibide bat:

• Jarduera: arropa garbitzea
  • Jardueraren zatiak         
    • Arropak kolorearen arabera sailkatzea.
    • Garbigailua betetzea.
    • Garbigarria sartzea.
    • Garbigailua programatzea eta hura martxan jartzea.
    • Garbigailua hustea.

Beharrezkoa da jarduera eratzen duen osagai edo ekintza bakoitza ongi ezagutzea eta horiek garatzeko zer gaitasun mota behar den definitzea. Horrela, aurreko adibidean esate baterako, beharrezkoa da motrizitate fineko gaitasunak edukitzea zeregineko zenbait zati egiteko (garbiketaren aukera egokiena hautatzeko, edo pultsu egokia garbigarria dagokion ontzian isurtzeko) eta funtsezkoa da datu hori aintzat hartzea parte hartzeko aukerak ebaluatzerakoan eta ezinduak egitekoaren zein zatitan esku hartu dezakeen definitzerakoan.