Buru osasuna urritasuna duten pertsonengan

Psikosia

Psikosia jasaten duten pertsonek errealitatearen gaineko ikuspegi nabarmenki eraldatua eta patologikoa dute. Barneratzeko, barrura begiratzeko eta aztertzeko zailtasuna kalteturik dago nabarmen, eta horrek eragin egiten du errealitatea edo errealitatearekiko harremana defizit erakoa izatea.

Sintomak

• Sintoma positiboak:
  • Haluzinazioak: ikusmenekoak, entzumenekoak, usaimenekoak, fisikoak izan daitezke.
  • Delirioak: minekoak, handinahikeriakoak, lapurretakoak, jazarpenekoak, eta abar.
• Sintoma negatiboak. Nahasmenduaren ondorioak dira
  • Afektibitatea hondatzea: aldartea eta humorea hondatuz doaz, eta erantzun hutsetan, moteletan, zehazten den afektibitate hotza ageri dute.
  • Apatia.
  • Gizarte isolamendua.
  • Norberaren itxura hondatzea (janzterakoan eta higienean).

Sintomatologia positiboa (haluzinazioak  eta  delirioak) nahastu egin daitezke zenbaitetan fabulazioekin (imajinatutako lagunak, adibidez), helduak ez diren buruko adinak dituzten pertsonengan. Gaitasun kognitibo garatuago bat eskatu dezaketenez, pertsonaren garapen intelektualak behera egin ahala, zailagoa da sintoma hauek topatzea edo, gutxienez, identifikatzea eta, beraz, zailagoa izango da diagnostikoa egitea.

Bestalde, sintoma negatiboak erakunde batean epe luzea egitearen, estimulazio faltaren, sendagai batzuen kontrako eraginen edo ezintasun intelektualeko maila larrien ondotik etorritako eragintzat har daitezke.

Egon daitezkeen arrazoiak

• Herentzia faktoreak. Psikosiaren kasu askotan, ikus daiteke arrazoiak familian aurrekariren bat dagoela.
• Inguruneko faktoreak. Edozein egoera traumatikok (emozionala, lanekoa edo ekonomikoa izan gorabehera) edo edozein estres egoerak ezkutuko psikosia eragin dezake.